Mostrar mensagens com a etiqueta literatura de posguerra. Mostrar todas as mensagens
Mostrar mensagens com a etiqueta literatura de posguerra. Mostrar todas as mensagens

27/02/12

A NARRATIVA DE POSGUERRA: A. FOLE

Ánxel Fole foi un dos autores máis destacados da narrativa breve de posguerra. 

A súa obra podemos dividila en dúas etapas: A etapa rural, durante a que vive afastado nas terras do Courel e do Incio, onde ambienta as súas historias, e a etapa urbana, na que volve a vivir na cidade de Lugo, que pasa a ser o escenario dos seus contos.

Os contos de Fole mesturan a realidade material (paisaxe, costumes, xentes...)e inmaterial (crenzas, supersticións...) de Galicia.

A continuación tedes tres curtas baseadas respectivamente en tres contos de Á lus do candil Os defuntos falaban castelao, A caixa do morto e Os Lobos:


O cadaleito, con guión adaptado polo dramaturgo galego Francisco Taxes, foi dirixida por Henrique Rguez. Baixeras  no ano 1976, e chegou acadar, entre outros, o premio Mikeldi de prata no XVIII Certame Internacional de Cine documental e curtametraxes de Bilbao, un dos certames de maior prestixio daquel tempo.

 
Os Lobos realizouse o ano que se lle dedicou o Día das Letras Galegas a Ánxel Fole.

21/02/12

A RENOVACIÓN DA NARRATIVA GALEGA: A ESMORGA

A Esmorga é na actualidade un clásico da literatura galega. Publicada en B. Aires no ano 1959 ante a imposibilidade de poder ser publicada en España a causa da censura franquista, foi coñecida en Galicia clandestinamente por un público moi reducido. 
As circunstancias vitais de Blanco Amor, a cabalo entre Arxentina e Galicia farán que a súa obra sexa o resultado dunha triple influencia: o neorrealismo, a narrativa hispanoamericana e a tradición galega, o que supuxo a introdución de novos procedementos narrativos e estéticos na narrativa galega de posguerra. 
Un dos méritos d'A Esmorga é a súa coidada estrutura compositiva. A obra ábrese e péchase coa intervención dun narrador-cronista que nos informa, ao comezo, da documentación utilizada para a elaboración do corpo central e, ao final, da morte do narrador-protagonista, Cibrán, un marxinado incapaz de ser dono do seu destino debido a determinantes psicolóxicos e sociais.
Tanto nesta obra coma en Xente ao lonxe ou Os biosbardos, existen unha serie de motivos recorrentes que vertebran a narrativa de Blanco Amor: o espazo urbano de Auria, marco no que se desenvolven os acontecementos, a pertenza dos protagonistas ás clases populares ou aos marxinados sociais e os ambientes indixentes, en perfecta consonancia co subdesenvolvemento social e económico da Galicia de comezos do s. XX que Blanco Amor coñeceu antes de marchar para Arxentina.
A homenaxe á cidade de Ourense é o que explica a mención das súas rúas, prazas, igrexas, fontes... como se pode ver neste roteiro que trazou o Club Alexandre Bóveda de Ourense seguindo o itinerario percorrido polos protagonistas da obra:
Premede na imaxe para ver o roteiro con detalle

10/02/12

LUÍS SEOANE

02/02/12

GLOSARIO DE LITERATURA 2º TRIMESTRE

Wordle: Literatura de posguerra
Premede na imaxe para vela máis grande

29/05/11

A LITERATURA DE POSGUERRA

Este blog de aula leva un tempo abandonado por razóns alleas á nosa vontade. Agora que falta pouco para rematar o curso imos poñer algunha entrada relacionada cos catro últimos temas de literatura.
Para comezar déixovos aquí un enlace para que vaiades as preguntas que elaborastes dos temas 9 e 10, é dicir, os poetas dos 50 e a narrativa dos 60. Só tedes que premer AQUÍ. Xa sabedes que entrades como convidados.

12/03/11

A LIT. DE POSGUERRA: EXILIO E LONGA NOITE

Se queredes máis información podesdes entrar en

19/02/11

CENTENARIO DE ÁLVARO CUNQUEIRO (II)

Tedes a continuación unha excelente presentación que vos pode servir para situar a Cunqueiro no espazo e no tempo que lle corresponde.
VÉDEA CON ATENCIÓN
O Consello da Cultura Galega pon tamén a disposición de todos un arquivo sonoro multimedia titulado CUNQUEIRO NA SÚA VOZ que pode ser do voso interese de cara ao traballo que tedes que facer.

30/01/11

CENTENARIO DE ÁLVARO CUNQUEIRO (I)

Todos os xornais anuncian que o Centenario de Cunqueiro se vai celebrar con actividades por toda Galicia.
Eis o que di, por ex. O Xornal de Galicia.com :

"O calendario de actividades iniciarase en Vigo entre os días 21 e 26 de febreiro, cunha serie de actividades de rúa, como lecturas dramatizadas, animación e exposición de textos de Cunqueiro en diferentes zonas da urbe. O acto central na cidade olívica será o día 26 ás 19.00 horas no auditorio do Centro Social Novacaixagalicia e contará con lecturas dramatizadas, vídeo homenaxe e unha actuación de Emilio Batallán.

Posteriormente, en marzo, terá lugar a inauguración dunha exposición sobre Álvaro Cunqueiro en Santiago de Compostela, a cargo da Consellería de Cultura, unha cidade que tamén acollerá un recital poético-musical de Amancio Prada. Esta exposición, que será de carácter itinerante, pasará despois por Lugo, Ourense, Mondoñedo, A Coruña, Pontevedra, Ferrol e Vigo, así como por algún dos Institutos Cervantes fóra da comunidade.

Na mesma liña, o 2 de abril celebrarase en Compostela o acto literario Cunqueiro, a maxia da palabra, con Quico Cadaval e Cándido Pazó, introducido dentro do ciclo Galicia, ceo das letras, que organiza a Xunta na Cidade da Cultura.

Entre outras actividades que se celebrarán ao longo do ano está a posta en marcha dunhas “rutas cunqueirianas” a cargo do Consello da Cultura Galega, así como a elaboración dun documental a cargo de Antón Reixa e patrocinado pola Sociedade Estatal de Conmemoracións Culturais. Tamén se realizarán actos literarios en honra a Cunqueiro en Madrid e Barcelona, mentres que a Agadic patrocinará a montaxe d’O incerto señor don Hamlet, de Cunqueiro, a cargo de Sarabela Teatro. Para finalizar, a Cidade da Cultura organizará unha exposición sobre Cunqueiro e a gastronomía."
Nós tamén nos uniremos ás celebracións con traballos en grupo sobre Cunqueiro e a súa obra.